Мурињо: Ливерпул овој пат нема да се откаже од титулата во Премиер Лигата

Според Жозе Мурињо, Ливерпул нема да ја испушти предноста од осум бода оваа сезона и ќе ја освои титулата во Премиер лигата.

Ливерпул го совлада Манчестер Сити со 3:1 на „Енфилд“ во неделата, создавајќи предност од девет бода во однос на шампионите.

Ниту еден тим не започна подобро од Ливерпул оваа сезона во англиската елитна лига, кој досега запиша 34 поени од 12 одиграни натпревари, изедначувајќи го рекордот на Сити од сезоната 2017/18.

Сезоната 1990/91 на Ливерпул освои исто толку поени, иако на крајот не беше прогласен за шампион, но Мурињо верува дека екипата на Јирген Клоп ќе стави крај на 30-годишното чекање за да стане шампион.

„Ако заостанувате во трката за титули, мора да чувствувате дека можете да го фатите лидерот. Ако сте први во лигата со големо водство, треба да почувствувате дека сè уште не е готово“, рече Мурињо.

„Но, јас не сум таму, јас сум тука. И од овде, од моја позиција, мислам дека е завршена работа, освен ако не се случи нешто драматично, на пример криза со повреди што го руши составот“, додаде тој.

„Но, мислам дека овој тим е комплетна загатка. Сити може да победи на седум, осум, девет натпревари по ред, но мислам дека Ливерпул не може да го загуби водството на табелата“.