Мурињо објасни зошто Погба игра подобро за Франција

Жозе Мурињо верува дека презентацијата на Пол Погба на Светското првенство 2018 ќе му помогне на францускиот репрезентативец да го подобри своето претставување во дресот на Манчестер Јунајтед.

Дваесет и пет-годишниот играч од средниот ред во моментов се одмора, откако ја освои титулата со Франција на Мундијалот 2018.

– Не станува збор да извлечеме максимум од него, туку тој да го даде најдоброто од себе. Светското првенство е најдобар повод за еден фудбалер да го даде најдоброто од себе. За време на сезоната на клубско ниво може да имаш голем натпревар, потоа послаб и потоа уште послаб. На камп пред и за време на Светското првенство во целост изолиран си од надворешниот свет и мислиш само за фудбал. Голема улога има мотивацијата, а на Светското одговорноста е многу поголема, изјави менаџерот на Манчестер Јунајтед за ЕСПН.

Во моментов тимот се наоѓа на предсезонски подготовки во САД, а во следниве денови се очекува таму да се приклучи и Погба.