Мурињо: Одличен натпревар, Сон ме потсети …

Жозе Мурињо зборуваше за ѕвездите за неговиот тим, откако Тотенхем го победи Барнли со 5:0.

„Беше совршен ден. Нема повреди, имаше голови, совршен фудбал, млади момци кои го направија своето деби. Тренерот Дајч е секогаш искрен, тој ми рече по натпреварот дека бевме многу добри во споредба со неговиот тим.

Му благодарам за ова. Барнли е тежок противник, но бевме одлични. Конечно играчите ќе имаат слободен ден утре.

Сон постигна магичен гол. Тој постигна два гола и направи асистенција за Сисоко. Се сеќавам кога бев во Барселона како асистент на Робсон, Роналдо Назарио постигна сличен гол како тој на Сон“.