Поврзи се со нас

Кошарка

МЗТ фаќа ритам – втора победа на турнирот во Златибор

МЗТ Скопје успеја да стигне до вториот триумф во „балонот“ на АБА2 Лигата на турнирот на Златибор, откако го совлада составот на Широки со 73-80.

Аеродромци овој пат потфрлија во играта под обрачот каде тимот од Мостар забележа 39 скока од кои 12 офанзивни, наспротив 25 на „сино-белите“, но доброто искористување на грешките на противникот (22), пред се предизвикaни од добрата одбрана беа доволни за нов триумф, втор во низа.

Ова беше втор триумф за аеродромци во третиот меч, а четврти во низа за претставниците од нашата земја во оваа јадранска конкуренција земајќи в предвид и двете победи на Работнички.

На табелата води Студентски Центар од Црна Гора со максимални шест бода, пред Спарс Сараево, МЗТ, Слобода, Подгорица и Работнички кои имаат по пет. Аеродромци својот четврти меч ќе го имаат на 18 ноември против Борац Бања Лука.

В понеделник од 21.00 часот Работнички ќе го игра својот последен четврти меч во „балонот“ на Златибор. За противник, Димитар Мираковски и неговите играчи го имаат амбициозниот Младост од Земун.

loading...

Facebook