МЗТ Скопје ги доби резултатите од вонредното тестирање на Ковид 19

МЗТ Скопје направи вонредно тестирање откако се појави Ковид 19 во нивниот тим. Според новите тестови сите се негативни, само еден позитивен.

Ова е целото соопштение на МЗТ Скопје.

По вчерашната информација за позитивен тест на член на нашиот стручен штаб, управата утринава организира итно тестирање на сите кошаркари, тренери и друг персонал, со цел да се утврди дали уште некој е носител на коронавирусот.

Предмалку ги добивме резултатите, кои велат дека сите 22-ца тестирани се негативни на Ковид-19, што значи дека остануваме само на еден позитивен, кој веднаш по појавата на првите симптоми е во изолација.

МЗТ Скопје Аеродром останува во контакт со Комисијата за заразни болести и Институтот за јавно здравје, како и при максимално придржување на мерките на безбедност, кои предвидуваат редовна хигиена, држење дистанца и носење заштитна маска.