На денешен ден, пред 30 години Македонија го одигра првиот фудбалски меч, погледнете го првиот гол во историјата (ВИДЕО)

Поминаа точно 30 години од првиот меч на македонската фудбалска репрезентациа. На 13-ти октомвир 1993 година Македонија гостуваше во Крањ на пријателски меч против Словенија. Победивме со 4:1. Првиот гол за Македонија Зоран Бошковски, популарниот Чоко. Во листата на стрелците се запишаа и Дарко Панчев, Чедомир Јаневски и Драган Канатларовски. Селектор на Македонија беше Андон Дончевски, а на тој историски мел дресот го носеа:  Зоран Мицевски, Кире Грозданов (Неџмедин Мемеди 61`), Зоран Јованоски, Драги Канатларовски, Илија Најдоски, Чедомир Јаневски, Зоран Бошковски (Ванчо Мицевски 83`), Љупчо Марковски, Дарко Панчев, Бобан Бабунски (Горан Георгиевски 11`, Сашо Милошевски 79`), Тони Мицевски.