На Ериксен нема да му се допадне она што Конте го кажа за него по натпреварот против Лацио

Фудбалерите на Интер беа поразени синоќа од Лацио со 2:1 во 24. коло во Серија А.

Со овој пораз Интер падна на третото место во Серија А и сега има три бода зад Јувентус, додека Лацио сега е на второто место и има само еден бод помалку од „Старата дама“.

По натпреварот Антонио Конте изјави дека неговиот тим му поклонил двата гола на Лацио, и дека тие го загубиле премногу рано ова дерби иако по првото полувреме поведоа со 1:0.

Еден од новинарите го праша Конте дали е време Кристијан Ериксен да добие поголема минутажа и конечно да се најде во првиот состав, но тренерот на Интер баш и не го израдува Данецот со својата изјава.

„Верувам во секоја ситуација што треба да ја пронајдете рамнотежата помеѓу одбраната и нападот. Не можеме да мислиме дека еден играч може да ја промени судбината на тимот, особено што дојдовме толку далеку без Ериксен. Мораме да останеме мирни и да ги пуштиме новите играчи како што треба да се вклопат во тимот, да продолжиме да работиме и да не размислуваме да можеме да го смениме нашиот тим одеднаш“, рече Конте.