Надал му препушти само еден гем на Џумхур

Шпанскиот тенисер Рафаел Надал се пласираше во осминафиналето на турнирот во Рим, откако денеска го порази Дамир Џумхур од Босна и Херцеговина со 2-0, во сетови (6-1, 6-0).

Надал беше голем фаворит во мечот и ја оправда таа улога без никакви проблеми. На самиот старт на натпреварот направи два брејка и водеше со 5-0. Џумхур успеа да освои еден гем на крајот од првиот сет и тоа беше сè што направи на целиот натпревар.

До крајот, Надал ги освои сите гемови, а натпреварот траеше 60 минути.

Надал во наредното коло ќе игра против подобриот од дуелот меѓу Робин Хасе и Денис Шаповалов.