Наполи најде засилување, но Манчестер Јунајтед може да прави проблеми

Наполи е во потрага по дефанзивец, а се чини дека најде засилување во Англија.

Според пишувањата на медиумите на Островот, Наполитанците се заинтересирани за услугите на Аксел Туанзебе.

24-годишниот дефанзивец е позајмен во Астон Вила од Манчестер Јунајтед, па „црвените ѓаволи“ многу ќе се прашуваат.

Туанзебе има вредност од осум милиони евра, а наполитанците наводно се подготвени да понудат и до 15 милиони евра за услугите на овој фудбалер.

Споменатиот фудбалер одигра 11 натпревари и за помладите селекции на Англија, но не дебитираше за „А“ тимот.

Тој оваа сезона има девет настапи во ПЛ, а има два настапи во Лига купот.