„Не можам да верувам дека Барселона ќе го купи Лаутаро“

Добро познатиот шпански менаџер Мануел Гарсија Квилон ги зголеми сомнежите во врска со планот на Барселона да го купи напаѓачот на Интер, Лаутаро Мартинез.

Барса и Интер долго време преговараат за Аргентинецот, со тоа што Интер не се откажуваше од нивното барање од 111 милиони евра, што е и износот на клаузулата за предвремено раскинување на договорот со клубот.

„Мислам дека е тешко за Барселона да инвестира во Лаутаро. Мислам дека Барса и Мадрид нема да потрошат многу пари. Исто така мислам дека на фудбалскиот пазар нема да има многу купувања на играчи“, рече Квилон.