Нејмар: ПСЖ ќе направи историја во Лигата на шампионите, ако тоа е Божја волја

Ѕвездата на ПСЖ, Нејмар зборуваше за неговите очекувања по враќање на фудбалот кој беше прекинат поради пандемијата на вирусот КОВИД-19. Бразилецот исто така порача дека е подготвен и дека едвај чека да се врати на теренот.

„Беше невообичаен период. За време на паузата, мојата главна задача беше да ја задржам формата, да бидам подготвен за враќање на фудбалот и со своето тело и со главата. Подготвен сум и навистина чекам да започнеме да играме повторно. Мислам многу за ЛШ, секако. Навистина ми недостасува страста на играта. Едвај чекам да се вратам на теренот и се надевам дека можеме да создадеме приказна. Да оставиме тоа да биде Божјата волја“, изјави Нејмар.

ПСЖ веќе обезбеди место во четвртфиналето од Лигата на шампионите.