Нико Коваќ посакува триумф против својот иден клуб

Нико Ковач ќе го предводи Ајнтрахт Франкфурт за последен пат како тренер во вечерашното финале од Купот на Германија против Баерн Минхен, по што ќе застане на чело на Баварците.

Од следната сезона Ковач ќе го замени Јуп Хајнкес на функцијата тренер на Баерн.

– Ние сакаме да победиме во финалето. Што ќе се случи потоа не е важно. Ова ќе биде експлозија од емоции за тимот и навивачите. Финалето е убав подарок за збогување, изјави Коваќ.

Последен пат Ајнтрахт во националниот куп триумфирал пред 30 години. Тоа беше нивни четврти трофеј, додека Баерн има 10 во ова натпреварување.