Новак Ѓоковиќ може да игра на мастерсот во Рим

На овој турнир ќе може да настапи и петкратниот шампион на мастерсот во Рим, Новак Ѓоковиќ, без разлика дали е вакциниран или не, потврдија организаторите.

Претседателот на Тениската федерација на Италија, Анџело Бинаџи потврди дека првиот рекет во светот може да настапи на мастерсот во Рим, без разлика на статусот на вакцинација.

„Правилата за учество на играчите на турнирот беа воспоставени заеднички од Владата на Италија и АТП“, рече Бинаџи.

Прво, човекот на италијанскиот тенис рече дека за се детално разговарал со Валентино Весали, министерот за спорт во Владата на Италија.

Во моментов, за влез во Италија е потребен или доказ за вакцинација или доказ за прележан вирус или негативен ПЦР тест. Новак Ѓоковиќ имаше позитивен тест кон средината на декември минатата година.

Најавено е и дека по две години намален капацитет, трибините во Рим за време на тениските мајстори годинава ќе бидат полни.

Ѓоковиќ минатата година во Рим беше поразен во финалето од Рафаел Надал.

Овогодинешниот Мастерс во Рим започнува на 8 мај.