Нови лудории на славниот Италијанец: Балотели со хај-кик врз соиграчот (ВИДЕО)

Италијанскиот напаѓач Марио Балотели моментално игра фудбал во Турција каде е член на Адана Демирспор.

31-годишниот играч игра многу добро во дресот на овој тим, но без неговите лудории едноставно не може.

Така вчера во големиот триумф на неговиот тим над Галатастарај од 2:0, тој со хај-кик му честиташе на головите на својот соиграч Јунус Акгун.

Акгун за пет минути постигна два гола, а Балотели му честиташе на начин на кој само тој може.

Неговиот соиграч не замери што се вели во изјавата по натпреварот.

„Балотели е неверојатна личност. И јас не очекував дека ќе ме удри. Се сакаме“, рекол насмеаниот Акгун.

Балотели има седум гола и четири асистенции на 19 натпревари оваа сезона и е вистински лидер на теренот со тимот на Демирспор.

Неговиот тим игра одлично и моментално се наоѓа на четвртата позиција во турската Суперлига со 29 освоени бодови.