Новиот тренер на Марсеј почна со победа и покрај свирежите (ВИДЕО)

Новиот тренер на Олимпик Марсеј, Игор Тудор, ги започна работите со убедлива победа од 4-1 на домашен терен против Ремс во првото коло од францускиот шампионат. Тудор не доби срдечно добредојде од публиката на почетокот на мечот и имаше свирежи на стадионот кога најавувачот го објави неговото име.

44-годишниот Хрват го замени Аргентинецот Хорхе Сампаоли, кој летото го напушти клубот поради несогласување со сопствениците околу трансфер политиката.

Домаќините поведоа во 13. минута по автоголот на Белгиецот Вут Фаес. Пет минути подоцна, Ченгиз Јундер не успеа да постигне уште еден гол за Олимпик Марсеј, а во 25. минута не постигна ниту Валентин Ронгје.

Вториот гол го постигна Португалецот Нуно Тавареш, кој во првата минута од надополнувањето на првото полувреме зголеми на 2:0.

Во вториот дел Колумбиецот Луис Суарез кој влезе како резерва зголеми на 3:0 во 75. минута.

Гостите од Ремс намалија во 84. минута преку Фоларин Балогун, а во четвртата минута од додаденото време на натпреварот Луис Суарез ги постави конечните 4:1 за тимот од Марсеј.

„Натпреварот се одигра во прилично високо темпо. Во моментов сакавме да намалиме, но тренерот уште повеќе не туркаше. Напорно работиме и на тренинзите“, изјави фудбалерот на Олимпик Марсеј, Џонатан Клос. Во следното коло Олимпик Марсеј гостува кај Брест, а Ремс кај Клермон.