Њукасл сака да го донесе Имобиле, но нивната понуда е навистина „безобразно“ голема

Чиро Имобиле е далеку најдобриот играч на Лацио оваа сезона затоа што на 33 одиграни натпревари успеа да постигне дури 30 голови.

Имобиле пристигна во Лацио во летото 2016 година од Севилја и тоа се покажа како вистински потег. 30-годишниот напаѓач одигра вкупно 167 натпревари за римскиот клуб и постигна 116 голови, што е јасен показател за каков напаѓач станува збор.

Во последните неколку недели се појавија многу шпекулации дека Имобиле ќе го напушти Лацио ова лето, иако клубот е решен да го задржи. Лацио е подготвен да му понуди петгодишен договор според кој би заработувал околу четири милиони евра годишно.

Најголем интерес за Имобиле покажал Манчестер Јунајтед, но во борбата може да се вклучи и друг англиски клуб. Наводно, Имобиле би можел да ја продолжи кариера во дресот на Њукасл, неодамна што го презеде богатиот арапски шеик.

Според англиските медиуми, Њукасл е подготвен да плати дури 135 милиони евра за Имобиле, што Лацио тешко дека ќе го одбие затоа што пред четири години потрошиле „само“ девет милиони евра за да го донесат.

Имобиле има договор со римскиот клуб до летото 2023 година, но се чини дека сè повеќе се зборува за неговото заминување. Њукасл му нуди и двојно поголема плата од Лацио, односно дури осум милиони евра годишно.