Обична фотографија со кошаркар на Барселона може да биде кобна за Новак

Новак Ѓоковиќ во вторникот ги бодреше кошаркарите на Црвена звезда против Барселона.

Откако евролигашкиот дуел им припадна на гостите од Шпанија, многу играчи на Барселона сакаа да се сликаат со Новак Ѓоковиќ, што не е чудно со оглед на светската популарност на најдобриот тенисер во светот.

Сепак, една од сликите би можела да го чини Ѓоковиќ. Имено, кошаркарот на Барселона со кој позираше Најџел Хејс Дејвис е позитивен на коронавирус.

Сите други играчи на Барселона се негативни на тестирањето за коронавирус, освен Хејс-Дејвис, кој мораше да оди во изолација.

Инаку, Новак треба да настапи на Австралија опен, но тоа е под знак прашалник бидејќи не е вакциниран.

Сепак, се верува дека Србинот ќе добие дозвола за настап на турнирите во Австралија.

? @DjokerNole and the MVP of the night pic.twitter.com/aiNT9s5ICY

— Barça Basket (@FCBbasket) December 14, 2021