Официјално: Во Премиер лигата се враќаато пет смени

Клубовите од Премиер лигата се договорија следната сезона секој тим да има право да прави пет смени по натпревар. Премиер лигата им дозволи на менаџерите да направат пет промени во мај 2020 година, откако сезоната беше обновена по паузата поради првиот бран на пандемијата. Меѓутоа, Англија подоцна одби да ја задржи иновацијата, иако ФИФА и УЕФА дозволија секоја федерација да одлучува сама. Во повеќето првенства, петте смени останаа можност, како и европските турнири. Сепак, помалите клубови во Премиер лигата решија дека тоа им дава предност на побогатите, па со три смени се вратија во форма. Денес, сепак, клубовите дадоа поддршка за повторно воведување на петте смени.

Раководителите на Ливерпул и Манчестер Сити – Јирген Клоп и Џозеф Гвардиола беа најжестоките поддржувачи на правилото пет смени да остане валидно во Премиер лигата.

На денешниот состанок беа одобрени и датумите за летниот преоден рок. Се отвора на 10 јуни, а затвора на 1 септември.

Се ублажуваат и мерките против КОВИД-19. Се укинуваат задолжителните тестови на играчите и персоналот кои досега требаше да се прават два пати неделно. Сега ќе се тестираат само луѓето кои имаат симптоми на вирусот.

Premier League Shareholders met today and discussed a range of matters.

Clubs agreed to change the rules relating to substitute players. From next season, clubs will be permitted to use five substitutions.

Full statement: https://t.co/Ub985Gl3Lj pic.twitter.com/T27WXiXbUM

— Premier League (@premierleague) March 31, 2022