Олимписките кругови повторно во Токио

Како град домаќин, решени сме да ги одржиме Олимписките игри по секоја цена, вели гувернерот на Токио, Јурико Коике.

Огромна инсталација на олимписки кругови беше вратена во заливот Токио, откако помина безбедносни проверки и обновувања во текот на летото.

Кругови високи 15 метри и долги 33 метри и тешки околу 69 тони беа привремено отстранети во август, откако Олимписките игри беа одложени поради пандемијата на вирусот корона.

Олимписките прстени ќе бидат изложени до крајот на Олимписките игри, кои треба да се одржат во август следната година.

Според владата во Токио, споменикот ќе биде осветлен во текот на ноќта, пренесува Кјодо.

Црвените, зелените, жолтите, црните и сините кругови првично беа поставени во јануари, но беа вратени во фабриката во Јокохама, недалеку од главниот град, заради безбедносни тестови и реновирање.

Гувернерот на Токио, Јурико Коике е решен да ги одржи Олимписките игри во 2021 година, и покрај зголемувањето на бројот на лица заразени со круната.

„Како град домаќин, решени сме да ги одржиме Олимписките игри по секоја цена“, рече Коике на прес-конференција минатата недела.