Ова сигурно нема да може да го поднесе, Рамос за прв пат во кариерата нема да игра на „Ел Класико“

Дефанзивецот на Реал Мадрид, Серхио Рамос не е вклучен во тимот за натпреварот од 30. коло на шпанското првенство против Барселона.

Триесет и петгодишниот Шпанец закрепнува од повредата на мускулот. Тој за прв пат во кариерата ќе го пропушти Ел класико во шампионатот.

Пред тоа, Рамос двапати пропушти натпревари против Барселона: не учествуваше во второто полуфинале од сезоната 2010/11 во Лигата на шампионите и полуфиналето на Купот на Шпанија во 2012/13 година.

Натпреварот е закажан за вечер во 21 часот.