Оваа изјава Донарума дополнително ќе го предизвика гневот кај навивачите на Милан

Италијанскиот голман Џанлуиџи Донарума летово премина од Милан во ПСЖ.

Навивачите на моментално водечкиот клуб во Серија А сметаат дека тој трансфер е предавство.

Првата сезона во дресот на ПСЖ ја минува со размена на голови со Кејлор Навас, со оглед на тоа што Мурисио Покетино се уште нема донесено одлука за тоа кој треба да биде сопственик на „единицата“.

Она што е сигурно е дека голманот на италијанската репрезентација не зажали за изборот да се пресели во Франција. Откако го премолчи своето ривалство со Навас во интервјуата на почетокот на сезоната, ограничувајќи се на нагласување дека дошол да игра за ПСЖ, Донарума во интервју за „Телеграф„ даде дополнителна позадина за причините што го натерале да ја прифати понудата на ПСЖ и одбива да ја продолжи соработката со Милан.

„Џиџи (Џанлуиџи Буфон, op. Cit.) често ми кажуваше за ПСЖ, дури и кога тој сè уште играше овде, а јас во Милан. Ми раскажуваше за историјата на клубот и градот. Тоа ми го олесни изборот и тоа е зошто знаев дека ме следат некое време“, рече Донарума, а потоа даде изјава која ќе ги повреди навивачите на Милан – дека не се кае за својот избор.

„ПСЖ направи да се чувствувам важен, веднаш ја почувствував довербата што ја имаа во мене. Повеќе од сигурен сум во изборот што го направив. Играм со извонредни соиграчи и клубот има големи амбиции. Споделување на соблекувалната со играчи како Меси, Мбапе и Нејмар не тера да дадеме се од себе дури и на тренинзите.Секако дека има голем притисок, но сите сме свесни за нашиот потенцијал, па само размислуваме да работиме за да бидеме добри во секое натпреварување и да се обидеме да ја освоиме Лигатана шампионите“, заклучи Донарума.

За освојување на Лигата на шампионите ќе мора да почекаат барем до следната сезона, со оглед дека во осминафиналето беа запрени од Реал Мадрид.