Пандев: Среќен сум за Елмас, му посакувам да освои ЛШ со Наполи следната сезона!

Горан Пандев, поранешен фудбалер на Наполи, зборуваше на Радио ЦРЦ за време на преносот на Рафаеле Ауриема „Si Gonfia la Rete“:

„Поминав три прекрасни години во Неапол, го освоивме Купот на Италија и изгледаше како да сме го освоиле Скудетото, а да не зборувам како е сега. Игравме добар фудбал, но за да го освоиме Скудетото мора многу работи да одат добро, ми беше многу жал што не успеавме, но тоа беше многу силна група, вели Пандев кој додава:

-Среќен сум за Елмас, но и за клубот и луѓето. Честитки и до претседателот, спортскиот директор и целиот персонал. Спалети е одличен тренер и го заслужува тоа бидејќи направи  тимот да игра многу добро. Среќен сум за Елмас и му посакувам следната година да ја освои Лигата на шампионите со Наполи. Можеби во четврт-финалето сите го дадоа Наполи како фаворит и момците почувствуваа дека мора да победат по секоја цена. Ова се посебни натпревари и тоа го видовме. Наполи се снајде многу добро и заслужи да даде гол во првиот натпревар од Лигата на шампионите против Милан. Жал ми е затоа што мислев дека Наполи може да стигне до финалето, вели Пандев.