Попладневните натпревари од Премиер лигата траеја цела „вечност“, солзите на Влашиќ го обиколија светот

Двата неделни натпревари од Премиер лигата донесоа пет гола.

Интересно, дуелите меѓу Њукасл Јунајтед – Лестер Сити и Вест Хем – Барнли завршија подоцна од очекуваното бидејќи двата дуели се одиграа преку 100 минути.

Во Лондон заврши 1:1. Барнли поведе со голот на Вегхорст во 33. минута, а потоа промаши пенал преку Корне.

„Чеканите“ израмнија во 74. минута преку Соучек. Во финишот имаа одлични можности за пресврт кои не ги реализираа.

Натпреварот на Олимпискиот стадион во Лондон го одбележаа немили сцени по дуелот помеѓу Ешли Вествуд и Никола Влашиќ кога играчот на Барнли ја скрши ногата.

Кога видел што се случило, Влашиќ веднаш почнал да плаче, а неговите солзи за кратко време го обиколија целиот свет.

Големата победа дојде од Њукасл Јунајтед кој успеа да направи пресврт против Лестер Сити и славеше со 2:1.

Лукман погоди за гостите во 19. минута, а Гимараеш некако успеа да ја турне топката во 30. минута и да го израмни резултатот.

Победникот беше решен длабоко во судиското обештетување, а стрелец на победничкиот гол повторно беше Гимараеш кој се најде на вистинското место во вистинско време.