Поранешен судија: Никој не ме заклучил во соба освен Перез, бараше на Реал да му се суди како на Барселона

Поранешниот шпански фудбалски судија Едуардо Итуралде Гонзалес откри дека пред 12 години, во сезоната 2010/2011, имал незгодна средба со претседателот на Реал Мадрид, Флорентино Перез.

Гонзалес во радио емисијата „Кадена СЕР“ рече дека Перез се обидел да го затвори во соба и да разговара со него и на тој начин да влијае на судењето. Сакал, вели, „На Реал  да се суди како на Барселона“.

Го прашав дали се шегува и му реков дека нашиот разговор е завршен“. Го пријавив во судиската организација за половина час. Ова никогаш порано не ми се случило. „Претседателот на клуб никогаш не ме заклучил во соба освен Флорентино Перез“, изјави Итуралде Гонзалес.

Интересно, Гонзалес ја објави приказната во јавноста токму во моментот кога се води истрага против Барселона, чиј поранешен претседател Хозе Марија Бартомеу е обвинет за поткуп на судии.

Бартомеу и тогашното раководство на Барселона уплатиле пари на сметка на компанија која ја води влијателен член на судиската организација. Тие трошоци се наведени како такси за „консултации“, но се сомневаат дека има корупција и влијание врз судењето. Аферата во шпанските медиуми е наречена „Баркагејт“.