„Порто гледа само напред“

Тренерот на Порто, Сержо Консеисао и капитенот Пепе,вечерва погледнаа на првиот натпревар од новата сезона во Лигата на шампионите, на гостувањето кај Манчестер Сити во средата.

„Тоа е мојата намера, и не се сомневам дека ќе дадеме сè за тоа да се случи. Имаме многу почит кон нашиот противник. Ние го почитуваме она што тие го правеа во изминатите неколку години со нивниот менаџер. Но, ќе се обидеме да го сториме она на што работевме и се надеваме дека ќе можеме да ставиме крај на овој негативен рекорд“, вели тренерот, Сержо Консеисао.

Тимот на Консеикао се надева дека ќе ја оствари првата победа на клубот на англиско тло. Од 19 претходни натпевари што ги играа во Англија, „змејовите“ загубија 16 пати додека ремизираа другите три.

Тешко беше да се постигнат и головите на овие натпревари, а Порто не успеа да ја најде мрежата на последните седум натпревари во Англија.

Шампионот на Португалија во Примера Лига не беше во најдобра позиција ниту на домашен терен оваа сезона, со пад од пет бода на првите четири натпревари од походот.

По гостувањето кај Ман Сити, Порто ќе се соочи со Олимпијакос, а потоа и со Марсеј во групата Ц.