Повеќето кошаркари од шпанското првенство се против продолжување на сезоната

Повеќето кошаркари кои заработуваат во шпанскиот шампионат сакаат сезоната 2019/2020 да биде целосно прекината.

Сојузот на професионални играчи на Шпанија (АБП) спроведе анонимна анкета меѓу кошаркарите на екипите на АЦБ-лигата, а порталот Еврохопс дојде до резултатите од истото. Патем, играчите од 12 екипи кои се во игра за завршниот турнир на кој АЦБ сака да ја заврши прекинатата сезона учествуваа на анкетата.

Според резултатите, повеќето не се за продолжување на тековно суспендираната сезона на шпанскиот шампионат.

На анкетата учествуваа вкупно 157 играчи, 107 од нив гласаа против продолжението, а 50 од нив беа за продолжение.

Во некои тимови, сите анкетирани играчи беа против, а има многу во кои огромното мнозинство беше против. Сепак, постојат и случаи како Сарагоса во кои сите 10 испитаници се залагаа за продолжување, и Морабанк Андора во која 10 од 11 беа за продолжување.

За потсетување, АЦБ претходно го објави својот план за крајот на сезоната, а тоа е турнир на кој би учествувале 12-те најдобри екипи – според моменталната состојба на табелата.

Конечната одлука, дали ќе се игра турнирот и сезоната ќе заврши на теренот, мора да биде донесена до 31 мај.