Повредата на Жерар Пике се влоши

Дефанзивецот на Барселона Жерар Пике останува под знак прашалник за саботното гостување кај Бетис во 35. коло од шпанската Ла Лига . Тој беше заменет во 28. минута од мечот на Каталонците против Мајорка во последното коло, а последователните тестови покажаа дека повредата на левата нога му се влошила, тврди „Ас“.

Повредата веќе некое време го мачи 35-годишниот Шпанец и Жерар Пике најверојатно ќе мора да паузира и да го пропушти мечот со Бетис.

До крајот на сезоната во Примера, на тимот предводен од главниот тренер Чави Ернандез му преостануваат само уште четири натпревари, а се уште не е јасно дали Пике ќе може да се приклучи на некој од нив.