Премиерлигата досега изгуби 340 милиони евра

Англиските клубови во Премиерлигата многу го чувствуваат недостигот на фудбал и кризата која ја донесе пандемијата на коронавирусот.

Според извештајот на британската телевизија „BBC“, Премиерлигата веќе изгуби 340 милиони евра поради неисполнети договори поврзани со ТВ-правата.

Доколку лигата продолжи без гледачи, загубата би била скоро 400 милиони евра.

Поради сите околности, клубовите не се во можност да ги почитуваат склучените договори со носителите на ТВ-права.

Британската влада, поради последиците од епидемија на коронавирусот, донесе одлука дека големите натпреварувања во земјата не можат да започнат пред 1 јуни, а тимовите ќе можат да започнат со групни тренинзи од 18 мај.