Претседателот на Интер ја „лајкна“ фотографијата на Мурињо

Тренерот на Манчестер Јунајтед, Жозе Мурињо, предизвика големо внимание минатата ноќ во Торино, по натпреварот против Јувентус.

По победата на неговиот тим од 2:1, тој одлучи да ги провоцира навивачите на „Старата дама“ во еден гест, а тој, исто така, влезе во конфликт со Леонардо Бонучи, но на крајот сè заврши мирно.

По натпреварот Португалскиот експерт ја објасни својата постапката, а меѓу другото рече дека навивачите на Јувентус го провоцираа цело време, а му го навредуваа и „Интер семејството“, па мораше да реагира.

Се разбира, оваа изјава и се допадна на сите навивачи на Интер, но, исто така и на претседателот на клубот, Стивен Жанг кој ја „лајкуваше“ сликата на Мурињо по натпреварот во Торино, која се појави на Инстаграм.