Претседателот на Милан: Серија А стана Серија Б во споредба со другите врвни лиги

Претседателот на Милан , Паоло Скарони беше многу критичен за нивото во Серија А и уште еднаш го изрази своето незадоволство поради доцнењето на проектот за новиот стадион на клубот.

„Нашата Серија А стана Серија Б во споредба со другите врвни европски првенства. Ни поминаа во последните 20 години. Резултатот е дека производот што го нудиме не е импресивен без играчи како Лионел Меси и Килијан Мбапе едноставно затоа што не можеме да си ги дозволиме. Ако продолжиме вака, ќе се оддалечуваме се повеќе од фудбалската елита. Фудбалот е спорт, но и спектакл кој бара убав стадион добро осветлен, секогаш полн со навивачи, модерен, не преголем, но и не премал. Претставата треба да вклучува многу време за играње и неколку паузи. Во февруари, Милан- Удинезе (1:1) заврши со минутажа од 48 минути и 38 секунди од вкупно 97 минути на натпреварот. Толку е досадно. Судиите мора да ја играат својата улога во промената на ова.

Scaroni: “The result is that the product we offer is poor, with the likes of Messi and Mbappe, simply because we can’t afford them. If we continue like this we will move further and further away from the excellence of football.”

— CHAMPIONS OF ITALY 🏆 (@MilanEye) June 18, 2022

Градењето инфраструктура во Италија е сериозен проблем. Сега ќе има јавна расправа, која ќе трае една година. Знаете за сите дозволи, договори, па дури и јавни дебати. Не само што ни се празни стадионите, туку се и постари, што не спречува да собираме пари од активностите околу стадионот. Комбинираните приходи на Милан и Интер за сезоните 2017/18 и 2018/19 се помали од индивидуалните приходи на Челзи , Тотенхем , Арсенал , Ливерпул и Манчестер Јунајтед .. Ќе продолжиме со нашата работа во оваа област, која прва ни даде зелено светло. Јас сум голем оптимист за областа Сан Сиро. Секако, кога во ноември решивме да го намалиме обемот на активности надвор од стадионите, последно што очекував беше дека ќе треба да почекаме уште една година за јавната дискусија. Така, процесот станува доста комплициран“, изјави Скарони за Il foglio.