Проблематичниот Французин, сепак, ја измами Барселона: Од Ноу Камп оди во ПСЖ за 50.000.000 евра и зема половина од парите!

Барселона, сепак, доби нож во грб од Усман Дембеле! Французинот се предомисли, се согласил да оди во Пари Сен Жермен, без Каталонците да можат да направат ништо.

ПСЖ ќе ја активира откупната клаузула во договорот на Дембеле и ќе плати 50 милиони евра на Барселона на која ќе и бидат врзани рацете. Повеќе од три недели траеше сагата околу проблематичното крило, тој долго се мачеше, а на крајот реши да им каже „да“ на сонародниците. Работата да биде полоша, Дембеле ќе добие 50 отсто од овој трансфер, што значи дека гигантот од Ноу Камп заработи само 25 мил.

BREAKING: Ousmane Dembélé says yes to Paris Saint-Germain! Initial green light to the proposal has arrived 🚨🔴🔵

PSG verbally agreed five year deal with Dembélé’s agent.

PSG have sent formal letter to inform Barcelona, now trying best way to close the deal — depends on timing. pic.twitter.com/a0EE3iMEtf

— Fabrizio Romano (@FabrizioRomano) July 30, 2023

Дембеле беше „турнат“ кон Париз со одлуката на Барселона да се обиде да го трансферира Килијан Мбапе и да ги испрати него и Гави во спротивна насока, што го налути. Остануваат само формалностите околу трансферот на Паркот на принцовите и потпишувањето на петгодишниот договор за кој веќе на големо се најавуваше. Јасно е дека Дембеле го чека подобра плата и многу веројатно поголема улога, бидејќи таму доаѓа како замена за Лионел Меси и ќе ја има стартната позиција.