Connect with us

Фудбал

Прогноза: Сити е шампион, Фулам испаѓа од Премиер лигата

Манчестер, 6 септември 2020 (МИА) – Додека се чека почетокот на сезоната во најквалитетните фудбалски лиги во Европа, се појавуваат предвидувања за тоа кој би можел да биде шампион.

Најинтересна е секако англиската Премиер лига, во која секоја година подеднакво учествуваат неколку екипи во трката.

Специјализираниот портал „Форфорту“ наведува дека фаворит во следната сезона е тимот на Манчестер Сити.

И тој ги наведува причините за тоа.

loading...

– Пеп Гвардиола нема тивко да го надмине разочарувањето од минатата сезона. Тој го купи Нејтан Аке за 40 милиони фунти, Феран Торес пристигна како замена за Лирој Сане, и имаше намера Лионел Меси да се приклучи на тимот. Сепак, тоа нема да се случи, Аргентинецот ќе остане во Барселона, барем уште една сезона, велат од изданието.

Актуелниот шампион, тимот на Ливерпул стигна до титулата по 30 години, но „Форфорту“ не ги гледа како фаворит.

– Дури и за тим со таква моќ, со толкава доминација, ќе биде многу тешко да се настапи од позицијата бранител на титулата. Финишот од претходната сезона покажа дека тие сепак се луѓе, тврдат оттаму.

Третата позиција е планирана за Манчестер Јунајтед, четвртата за Челси, петтата за Арсенал и шестата за Тотенхем.

„Форфорту“ исто така очекува дека Фулам нема да може да преживее во елитното натпреварување.

– Проблемот е во одбраната, но секако е тим што сака да игра фудбал и кој може да постигнува многу голови, особено со Александар Митровиќ како предводник на нападот, се заклучува во прогнозата.

Реклама

Facebook

Реклама
Реклама
Реклама
Реклама
WP2Social Auto Publish Powered By : XYZScripts.com