Протести во две држави поради Роналдо, купил два клуба, кои се повеќе тонат, го обвинуваат дека ги уништува!

Бразилецот Роналдо е во неволја поради колапсот на два клуба од кои тој е мнозински сопственик. Незадоволни од резултатите во Ваљадолид, навивачите протестираа против него, а Крузеиро мина во серија од осум натпревари без победа. Овие настани ги натераа навивачите да започнат протести додека не се стабилизира ситуацијата во клубот. Смена на тренер имаше и во бразилскиот клуб, најпрвин на клупата беше Пауло Пеколано, кој сега е во Ваљадолид, а негова замена е Зе Роберто. Клубот не памети ваква лоша серија откако Роналдо ја презеде сопственоста, па лошите резултати предизвикаа критики кон поранешниот фудбалер. Моментално се пет бода над зоната за испаѓање, а навивачите се незадоволни од овој пласман.

🚨🚨| Real Valladolid fans protest and demand Ronaldo's departure who is the president of the club. A banner displayed the phrase 'Five years of lies. On the brink of abyss. Enough already!'

Valladolid is currently in 17th place in the Spanish second division. 🇪🇦 pic.twitter.com/XFARl16FG9

— CentreGoals. (@centregoals) September 13, 2023

Слична е ситуацијата и во шпанскиот клуб, кој за малку избегна банкрот, но моментално е на последното место во втората шпанска лига. Со оглед на многу лошата ситуација во двата клуба, „Марка“ заклучува дека работите може да бидат уште полоши за Роналдо. Бразилецот стана мнозински сопственик на Ваљадолид во септември 2018 година, откако купи 51 отсто од акциите. Во декември 2021 година, тој ја презеде контролата врз Крузеиро, клубот во кој ја започна својата кариера и инвестираше 70 милиони долари во него.