Првиот фудбалски клуб кој банкротираше поради коронавирусот

МСК Жилина, фудбалски тим кој седумпати беше шампион на Словачка, прогласи банкрот.

Од клубот излегоа со изјава во која објаснуваат за тешката состојба во која се наоѓа клубот и најавија дека сите играчи треба да започнат да бараат нов клуб бидејќи овој ќе биде ликвидиран.

Работата на клубот официјално ќе биде прекината на 30 април годинава, а играчите ќе можат да бараат нов клуб од тој датум, без оглед на постојните договори.

Колапсот на клубот беше предизвикан поради неможност да се согласат со играчите за плаќања и намалувања на платите заради ефектите на пандемијата на коронавирусот, а бидејќи клубот веќе некое време е во несигурна финансиска состојба, беше решено дека ликвидацијата е единствената опција.

Жилина беше на второто место на табелата пред сезонската пауза поради избувнувањетп на пандемијата на коронавирусот, со 10 бодови помалку од Слован Братислава и седум повеќе од Дунајска Стреда.