Пукна „бомбата“, сега е се готово, клубот го потврди трансферот на Ерлинг Халанд (ФОТО)

Она што со денови се најавуваше сега е и официјално – Ерлинг Халанд е нов играч на Манчестер Сити. Неговиот трансфер од Борусија во Сити штотуку го потврдија англискиот, но и германскиот тим, кој немаше опција да го задржи поради клаузула од 60 милиони евра што ја активира Сити.

Фудбалерот потпишал повеќегодишен договор и според информациите кои ги објавија многу угледни весници, ќе заработува 400 илјади евра неделно, што го прави најплатен играч во англискиот тим заедно со Кевин де Брујн.

21-годишниот норвешки репрезентативец од доаѓањето во Дортмунд од австриски Салцбург има постигнато 85 гола на 88 натпревари, а настапуваше и за Молде.

Тој веќе важи за еден од најдобрите напаѓачи во светот, а пред него се години блескави кариери и навивачите на Сити со нетрпение го очекуваат неговото деби во светлосиниот дрес.

Manchester City can confirm that we have reached an agreement in principle with Borussia Dortmund for the transfer of striker Erling Haaland to the Club on 1st July 2022.

The transfer remains subject to the Club finalising terms with the player.

— Manchester City (@ManCity) May 10, 2022