Радувај се Македонијо! Одбојкарите донесоа радост, одиме на Европско!

Македонската репрезентација во одбојка вторпат едноподруго ќе игра на Европско првенство.

Нашите најдобри одбојкари пласманот меѓу најдобрите на контиентот го заверија со победата против фаворизираната Турција со 3-1 (25:19,21:25,25:23,25:18) во сетови во последниот натпревар од квалификацискиот турнир.

Брилијантна партија имаше Александар Љафтов кој забележа 23 поени, ова можеби беше и негов меч на кариерата за Македонија, капитенот Никола Ѓорѓиев имаше 24 поени.

Македонија квалификациите ги заврши на второто место со ист број на бодови како и Турција но имаме еден загубен сет повеќе. Сепак на Европско првенство одиме како една од петте најдобри второпласирани селекции од седумте групи.