Ракитиќ: Моравме да го убиеме натпреварот, судијата играше против нас

Хрватскиот играч за врска на Севиља Иван Ракитиќ беше многу разочаран од поразот на тимот од Реал Мадрид , со оглед на тоа што домаќините на одморот водеа со 2:0. Сепак, поранешниот играч на Барселона не пропушти да се пожали на раководството на судијата Гиљермо Куарда Фернандез.

Тој отворено го изрази своето незадоволство од судијата кој не го исклучи Едуардо Камавинга за прекршокот врз Ентони Марсијал. „Избркањето на Камавинга ми изгледа многу јасно. Немам поим зошто тој дури и не донесе одлука за прекршок. На крајот судијата играше против нас“, изјави Хрватот.