Рамос: До смрт сме со Зидан, еве ја пораката што треба да ја испратиме!

Реал Мадрид утре вечер игра многу важен натпревар против Галатасарај во Лигата на шампиони. „Кралевите“ не ја започнаа групната фаза добро, бидејќи по два натпревари имаат само еден бод и утрешниот предизвик ќе биде доста одлучувачки за нивната судбина во ЛШ.

За медиумите во Турција разговараше капитенот Серхио Рамос, кој јасно стави до знаење дека единствениот начин за Реал е да се победи. Шпанецот зборуваше и за тренерот Зидан, кој рече дека има поддршка од целиот тим.

„Единствено што имаме во предвид за утрешниот натпревар е победата. Имаме само два начина, да победиме или да победиме! Целиот свет нека знае дека нашиот тим е до смрт со Зидан без разлика што и да се случи, пораката што треба да ја испратиме е дека сме обединети. Мадрид секогаш воскреснува и единствениот начин да се стори тоа е да останеме заедно. Резултатите ќе дојдат“