Реал Мадрид може да го привлече голманот на Наполи за резерва на Куртоа

Тимот на Реал Мадрид најверојатно ќе има нов втор голман за следната сезона, пишува „Марка“. Причината е што Андриј Лунин сака да бара поголема минутажа во друг тим поради тоа што тешко добива шанса за настап поради силниот настап на тврдиот стартер Тибо Куртоа.

23-годишниот Лунин нема намера да се раздели со Мадрид, туку само сака да биде прекомандуван во друг тим во кој почесто ќе игра. Тој веќе беше позајмен во три шпански екипи – Леганес , Ваљадолид и Овиедо . Иако тренерот Карло Анчелоти е фасциниран од неговата работа, украинскиот голман сезонава одигра само четири натпревари, а мечот со Атлетико Мадрид пред 10 дена беше негов прв во Ла Лига со тимот, иако беше купен во 2018 година.

Lunin wants to leave on loan to play more minutes and be a starter – he knows it’s impossible with Courtois. Madrid are looking at Napoli’s goalkeeper, Ospina (33), whos contract will end in June to be Real Madrid’s second goalkeeper for next season. Ospina wants to join. [marca] pic.twitter.com/XmOhHk8tuB

— SB (@Realmadridplace) May 17, 2022

Така Реал ќе бара нов голман за следната кампања, а засега се насочи кон Давид Оспина од Наполи . 33-годишниот играч оваа сезона одигра 33 натпревари, но договорот му истекува и се очекува на лето да го напушти тимот како слободен играч. Колумбиецот веќе соработуваше со Анчелоти на Партенопеи и се согласи да се пресели на Сантијаго Бернабеу, сфаќајќи дека тој ќе биде резерва на Куртоа.