Револуција на Пиоли против Спал, целосно нов среден ред за Милан!

Милан утре на „Сан Сиро“ во 20:45 ќе го одигра натпреварот против Спал. Многу суптилен предизвик за „Росонерите“, кои немаа добар старт оваа сезона.

Тренерот Стефано Пиоли сè уште не ја вкуси својата прва победа со Милан и по секоја цена ќе го бара тоа на овој натпревар. Поради оваа причина, изгледа дека тренерот број еден на Милан ќе направи тотална револуција во средниот ред.

Според извештаите на „Скај“, против Спал се очекува да ги играат Бенасер, Круниќ и Бонавентура во средниот ред, седнувајќи ги на клупата Биглија, Кеси и Пакета. Промени се очекуваат и во офанзивата, при што Пиатек веројатно ќе има нова позиција.