Робертсон: Организацијата на финалето беше целосен неуспех

Целосно промашува организацијата на финалниот натпревар од Лигата на шампионите меѓу шпански Реал и англиски Ливерпул . Ова го изјави дефанзивецот на Ливерпул , Енди Робертсон , цитиран од Би-Би-Си. Реал Мадрид го освои трофејот по победата од 1-0 во финалето. Почетокот на натпреварот беше одложен за 37 минути поради безбедносни причини. Според Робертсон , тој му дал билет на пријател, но не му било дозволено да влезе на стадионот.

„На мојот пријател му беше кажано дека билетот е лажен, но ве уверувам дека не е“, рече Робертсон. „Ова е целосен неуспех. Луѓето беа само во паника. Неприфатливо е да се користи солзавец против навивачите“, рече играчот. „Како резултат, вечерва беше страшна за нашите навивачи и нивните семејства. Тие чекаа поинаков финален натпревар. Лигата на шампионите треба да биде празник, но тоа не се случи. Натпреварот не беше планиран овде и сигурен сум истрагата ќе даде оценка за подготовките за натпреварот“, изјави Робертсон.

Финалето на Лигата на шампионите требаше да се одигра во Санкт Петербург, но на 25 февруари УЕФА го пресели натпреварот во Париз поради ситуацијата во Украина.

За поразот во финалето, Робертсон рече: “Ние сме уништени. Ова се случува кога ќе стигнете до финалето и не победувате. Искрено, можевме да одиграме малку подобро, особено во вториот дел. Не почнавме баш најдобро, станаа подобри во Реал имаат многу искусен тим, знаат да победуваат финалиња и тоа го покажаа“.