Рој Кин за поразот од Јунајтед: Тоа не е клубот за кој играв

Легендарниот капитен на Манчестер Јунајтед, Рој Кин беше разочаран по нов убедлив пораз од својот најголем ривал.

Ливерпул оваа сезона убедливо го победи Јунајтед во два меча. Во октомври на Олд Трафорд 5:0, вечерва на Енфилд 4:0.

„Не, не сум лут, само тажен. Овој тим нема лидер, му недостига квалитет. Расеано е од врвот на клубот. Потребен е нов менаџер, некои играчи да се избркаат, а некои нови да се донесат. Толку е тажно да се гледа. Ова не е клубот за кој играв. Не гледам во денешниот тим на Манчестер Јунајтед желба некој да излезе на теренот да се бори за клубот со гордост“, разочаран е Рој Кин.

🗣 "When the going gets tough they just crumble."

Roy Keane admits he was not surprised that Manchester United lost 4-0 to Liverpool pic.twitter.com/qWFDhtz8S6

— Football Daily (@footballdaily) April 19, 2022

Славниот Ирец 12 години го носеше дресот на Манчестер Јунајтед и освои 17 трофеи, од кои седум титули во Премиер лигата.

Манчестер Јунајтед моментално е шести на табелата со три бода помалку од четвртопласираниот Тотенхем, а со ист број бодови како и Арсенал на петтото место.

Во следниот натпревар, на 23 април, Јунајтед ќе игра против Арсенал.