Рома го губи трпението: Калиниќ се сели во Премиер лигата

Поранешниот фудбалер на хрватската репрезентација Никола Калиниќ би можел да игра во новиот клуб од јануари.

Никола Калиниќ би можел да се врати во англиската Премиер лига по девет години неуспешни епизоди во Милано, Атлетико и Рома. Италијанските медиуми пишуваат дека Атлетико Мадрид, чиј е официјален играч, го понудил на Њукасл до остатокот на сезоната, со право на откуп.

Хрватот моментно е на позајмица во Рома, која очигледно нема намера да го откуи, поради тоа што ќе се обиде да го ангажира Маријано Диаз во зимскиот термин, на кој Зидан воопшто не смета.

Во исто време и Атлетико сака да се ослободи од Калиниќ и од неговата висока плата, поради што Атлетико го понуди на Њукасл во Премиер лигата, каде очајно недостасува голови. Њукасл во моментов е третиот најефикасен тим во лигата и ќе треба да го подобрат тој сегмент од играта ако сакаат да играат во друштво на најдобрите и во следната сезона.

Калиниќ оваа сезона запиша шест настапи за „Волчицата“ и не постигна ниту еден гол. Малку е познато дека тој веќе настапувал на Островот во дресот на Блекбурн, за кој има постигнато седум гола на 44 натпревари.