Роналдо и Ал Наср ремизираа против вицешампионот на Европа (ВИДЕО)

Ал Наср по ремито со Пари Сен Жермен пред два дена, денеска успеа да остане непоразен во пријателскиот натпревар против Интер. Натпреварот во Осака заврши со резултат 1:1. Првото полувреме беше квалитетно, тренерите Инзаги и Кастро исфрлија силни екипи. За Саудијците мечот го започнаа Роналдо, Талиска, Фофана, Телес, како и Брозовиќ, кој така играше против довчерашниот клуб. Ал Наср поведе со голот на Гариб во 23. минута, а израмни Давиде Фратези, големото засилување на Интер во 44. минута. Во продолжение тренерите направија голем број промени, ритамот падна, па резултатот не се менуваше.