Connect with us

Фудбал

„Роналдо и Меси не се подобри од мене, а јас сум подобар од Нејмар“

Дали се сеќаватe на Едилсон? Сигурно, малкумина од вас. Но, секако дека е нормално ако се знае дека одигра само  30-тина мечеви во Европа и тоа во дресот на Бенфика. По ова на Стариот континент не стапна.

Промени многу клубови, а во малку од нив остави значајна трага. Сепак, Едилсон беше дел од славната генерација на Бразил која во 2002. година освои светска титула. Тој доби повик и беше дел од тој состав. За Бразил одигра 21 меч и постигнал шест голови.

Тогаш во дресот на Бразил важни беа Роналдо, Роналдињо, Ривалдо, а денеска тоа е Нејмар. Токму за него зборуваше Едилсон во едно интервју за бразилска телевизија.

-На врвот од мојата кариера играв подобро од Нејмар, вели тој, а ги спомна и најдобрите двајца на денешницата.

-Да биде Меси подобар од мене мора да го освои светското првенство. Кристијано Роналдо е чиста сила. Ја удира топката подеднакво добро со двете нозе, но јас сум многу повешт од него, вели тој.