Роналдо постави рекорд на Светското првенство и ја однесе репрезентацијата на вечера. Тројца соиграчи го одбија

Репрезентацијата на Португалија ја победи Гана со 3:2 во првото коло од групата Х на Светското првенство. Првиот гол за Португалците го постигна нивниот капитен Кристијано Роналдо (37), кој со тоа стана првиот фудбалер во историјата кој постигнал барем еден гол на дури пет светски првенства.

Во оваа прилика Роналдо, кој од неодамна е слободен играч по раскинувањето на договорот со Манчестер Јунајтед, ги почести соиграчите на вечера во луксузниот ресторан Тател де Доха. Заедничката фотографија на Португалецот од таа вечера набрзо се прошири на интернет, а на неа ги нема тројцата кои ја одбија поканата на Роналдо.

🚨 Cristiano Ronaldo hosted a team dinner on Oryx Island after their win against Ghana. pic.twitter.com/oqRSsc3QIM

— TC (@totalcristiano) November 26, 2022

Станува збор за дуото од Манчестер Сити, Жоао Кансело и Бернардо Силва и голманот на Вулверхемптон Хозе Са. Не се знае дали се во некаков конфликт со Роналдо или едноставно решиле слободното време да го поминат на друг начин.