Роси дава аларм: Дури и новата сезона ризикуваме да бидеме како желки

Првите зимски тестови на МП ГП се случија на пистата „Херез де ла Фронтера“ во Шпанија, каде моторот „Јамаха“ повторно имаше проблеми. Валентино Роси се најде на 10. место, скоро половина секунда побавно од Марк Маркез.

„Направивме неколку круга на патеката пред да започне дождот и се чувствував пријатно со новиот Yamaha M1 2020“.

„Од ден на ден бев побрз на патеката и тоа е позитивно. За жал, не можевме правилно да го споредиме годинашниот мотор со оној од претходната година. Сепак, имаме многу работа да направиме, бидејќи на моторот сè уште му требаат подобрувања. Се надевам дека на следните тестови во Сепанг, работите ќе бидат подобри“, рече Роси.

Италијанскиот пилот им дава совети на инженерите.

„Кога правиме еден круг, брзи сме. Моторот Јамаха е брз во сингл и ги соборува ривалите. Сепак, спротивно е да водите трка од 20-25 круга, каде треба да бидете константни. Мора да работиме напорно, во спротивно тоа ќе биде уште една фрустрирачка сезона“, рече Роси.