Руски биатлонци под истрага за допинг

Руски биатлонци се под истрага во Австрија поради сомневање за користење допинг за време на Светското првенство во февруари  2017 година кое се одржа во Хочфизен, објавија од австриското обвинителство.

Десет членови од рускиот тим – пет спортисти и пет тренери, се под истрага која е покрената за „тешка измама поврзана со допинг“ и „користење на забранети супстанци и методи поврзани со допинг“, се наведува во соопштението.

Руската биатлонска екипа моментно се наоѓа во Хочфизен, каде изминатите неколку дена се одржуваше Светскиот куп.