Се најде некој кој има повеќе пари од ПСЖ, ако не сака Меси, може Нејмар!

Саудиска Арабија не успеа да го привлече Лионел Меси, но можеби може – Нејмар! Властите од Саудиска Арабија сакаат да инвестираат 20 милијарди евра во развојот на фудбалот и да ги таргетираат најголемите фудбалски ѕвезди. Лионел Меси ја избра Америка наместо Арабија, па сега прва мета е Нејмар.

Наводно, Ал Хилал, кој го сакаше и Меси, сега му нуди на Нејмар 200 милиони евра по сезона, а на Пари Сен Жермен 45 милиони евра како обештетување. Бразилецот се уште има договор со Парижаните, не е евтин, но ПСЖ би можел да размисли да го продаде поради неговата огромна плата од 30 милиони евра по сезона.

Експедиција од Саудиска Арабија во петокот беше во Париз каде што преговараа со Нејмар и му понудија опција да се пресели во Ал Хилал и да заработи уште повеќе пари. Бразилецот се уште не оставил белег во Европа, барем не би требало на 31 година, но не е невозможно да го привлече богатството на Арабија. Освен Нејмар, Арапите ги сакаат и Лука Модриќ, Нголо Канте, Вилфред Заха, Илкај Гундоган и Ријад Махрез, а веќе пристигнаа Кристијано Роналдо и Карим Бензема. Можно ли е Нејмар да замине во Саудиска Арабија веќе ова лето?