Се појави уште еден кандидат на Белерин

Виљареал е последниот клуб кој покажа интерес за дефанзивецот на Арсенал, Хектор Белерин. 27-годишниот Шпанец импресионираше за време на неговата позајмица во Бетис минатата сезона и тоа го привлече вниманието на Жолтата подморница, тврди експертот за трансфери Екрем Конур.

Бетис исто така го сака десниот бек, но допрва треба да се договори за цената со Арсенал. Покрај тоа, Атлетико Мадрид преговара за негово привлекување. Сега на кандидатите за потписот на 27-годишниот дефанзивец мора да го додадеме и Виљареал, кој според Конур е подготвен да плати 10 милиони евра за неговите права.

Така, иднината на Белерин останува нејасна во оваа фаза. Единствено сигурно е дека тој нема да остане во Арсенал, бидејќи не е во плановите на менаџерот Микел Артета.